卐𑣔𑣂𑣗𑣞𑣂 𑣙𑣉𑣛 𑣌𑣉𑣜𑣈 𑣞𑣀𑣋𑣜 𑣜𑣈𑣅𑣄 𑣏𑣉𑣚𑣉𑣓 𑣌𑣉 𑣖𑣈𑣓𑣄. 𑣈𑣝𑣃 𑣚𑣈𑣌𑣓 𑣞𑣀𑣋𑣜 𑣌𑣉𑣅𑣕𑣈 𑣗𑣃𑣜𑣃 𑣎𑣂𑣇 𑣎𑣉𑣓𑣕𑣃𑣌𑣉 𑣞𑣀𑣋𑣜 𑣌𑣉 𑣕𑣈𑣅𑣄 𑣆𑣘𑣓 𑣋𑣈𑣁. 𑢾𑣀𑣋𑣜𑣗𑣃 𑣖𑣈𑣓𑣈𑣜𑣈𑣔𑣉 𑣖𑣓𑣖𑣂 𑣁𑣘𑣓𑣄 𑣞𑣓𑣀 𑣚𑣈𑣌𑣕𑣈 𑣓𑣂𑣔𑣈 𑣗𑣃𑣜𑣃𑣜𑣈 𑣕𑣆𑣓 𑣕𑣓 𑣎𑣂𑣇 𑣎𑣉𑣓𑣕𑣃𑣌𑣉 𑣁𑣕𑣂𑣀 𑣕𑣓 𑣞𑣉𑣖𑣅𑣜𑣈, 𑣚𑣕𑣁 𑣕𑣄 𑣌𑣉𑣜𑣈, 𑣔𑣄 𑣕𑣈𑣕𑣀𑣕𑣈 𑣋𑣛𑣁-𑣚𑣉𑣙𑣜 𑣙𑣃𑣎𑣃𑣄 𑣎𑣉𑣓𑣕𑣃𑣌𑣉 𑣚𑣉𑣛𑣉 𑣌𑣕𑣈 𑣘𑣉𑣅𑣑𑣌𑣉 𑣕𑣈𑣅𑣄. 𑢾𑣂𑣀𑣋𑣂 𑣞𑣀𑣋𑣜 𑣌𑣉 𑣈𑣞𑣃 𑣌𑣉𑣙𑣖 𑣙𑣉𑣗𑣁𑣓𑣁, 𑣗𑣓𑣜𑣈 𑣓𑣂𑣔𑣁 𑣋𑣈 𑣈𑣞𑣃 𑣘𑣃𑣜𑣄 𑣙𑣉𑣗𑣓𑣁. 𑢾𑣀𑣋𑣜 𑣌𑣉 𑣞𑣈𑣓𑣉𑣄 𑣁𑣅𑣜 𑣜𑣈 𑣞𑣀𑣋𑣜 𑣙𑣗𑣊𑣋𑣁 𑣞𑣈𑣗𑣁 𑣓𑣖𑣈𑣅𑣁. 𑢾𑣉𑣗𑣈𑣓 𑣙𑣕𑣃 𑣌𑣉𑣜𑣈 𑣓𑣈𑣚𑣈𑣌𑣓 𑣏𑣉𑣚𑣉𑣓 𑣌𑣉 𑣕𑣆𑣌𑣈𑣓𑣁. 𑢾𑣀𑣋𑣜 𑣞𑣈𑣓𑣉𑣄 𑣞𑣉𑣖𑣅 𑣌𑣉𑣜𑣈 𑣞𑣈𑣕𑣁 𑣔𑣉 𑣌𑣉 𑣆𑣔𑣂 𑣕𑣉𑣜𑣞𑣁 𑣅𑣁. 𑢾𑣀𑣋𑣜 𑣚𑣋𑣂𑣑 𑣁𑣄𑣞𑣜, 𑣗𑣃𑣜𑣞𑣂, 𑣌𑣘𑣂, 𑣙𑣌𑣈 𑣈𑣓𑣁 𑣚𑣉𑣄𑣕𑣈 𑣈𑣞𑣃 𑣚𑣈𑣌𑣓 𑣋𑣂𑣓𑣂𑣞𑣌𑣉 𑣂𑣔𑣂 𑣕𑣉𑣜𑣞𑣁 𑣅𑣁.

𑢼𑣁𑣀𑣞𑣁 𑢷𑣙 𑢸𑣉𑣜𑣉𑣗 Baa Porob

𑢶𑣂𑣅𑣑 "𑢷𑢹 𑢴𑢣𑢼𑢠":-

𑢹𑣗𑣁𑣜𑣊𑣏𑣂𑣕𑣂 𑣉𑣓𑣉𑣚 𑣗𑣂𑣕𑣂...

𑢷𑣂𑣕𑣂 𑣋𑣉 𑣇𑣜𑣃𑣖 𑣎𑣉𑣊 𑣖𑣈.

𑢯𑣂𑣕𑣂 𑣗𑣂𑣕𑣂 𑣙𑣗𑣊𑣋𑣁 𑣗𑣂𑣕𑣂...

𑢯𑣂𑣕𑣂 𑣋𑣉 𑣏𑣂𑣓𑣁 𑣎𑣉𑣊 𑣖𑣈.

𑢷𑣙 𑣎𑣔𑣃𑣜 𑣓𑣂𑣔𑣁 𑣋𑣉 𑣞𑣂𑣊𑣋𑣂...

𑢾𑣂𑣊𑣋𑣂 𑣔𑣉 𑣎𑣉𑣖 𑢳 𑢦 𑣖𑣈.

𑢾𑣜𑣎𑣉𑣖 𑣗𑣁 𑣗𑣙 𑣚𑣈𑣓𑣈 𑣅𑣈𑣕𑣈...

𑢫𑣈𑣓𑣁,𑢫𑣑𑣃𑣁𑣙 𑣔𑣃𑣜𑣀 𑣎𑣉𑣊 𑣖𑣈.

𑢾𑣈𑣗𑣁𑣆 𑣖𑣈 𑣋𑣉 𑣔𑣈𑣝𑣁𑣇𑣚𑣂...

𑢯𑣚𑣆 𑣖𑣈 𑣋𑣉 𑣇𑣚𑣂 𑣜𑣁𑣞𑣂.

𑢷𑣉𑣀𑣋𑣆 𑣖𑣈 𑣋𑣉 𑣁𑣁𑣜𑣄 𑣞𑣀𑣑𑣂...

𑢡𑣋𑣃𑣁 𑣖𑣈𑣅𑣁𑣈 𑣞𑣃𑣌𑣃 𑣞𑣃𑣖𑣃𑣌𑣂.

𑢬𑣂𑣚𑣂 𑣖𑣂𑣚𑣂 𑣌𑣂𑣚𑣂 𑣞𑣊𑣋𑣉𑣕𑣂...

𑢬𑣂𑣚𑣂 𑣋𑣉 𑣓𑣃𑣔𑣃𑣗𑣁 𑢭 𑣖𑣈.

𑢮𑣁𑣕𑣂 𑣘𑣁𑣕𑣂 𑣎𑣁𑣕𑣂 𑣘𑣂𑣜𑣉𑣕𑣂...

𑢮𑣁𑣕𑣂 𑣋𑣉 𑣏𑣃𑣓𑣑𑣃𑣚𑣁 𑢭 𑣖𑣈.

𑢬𑣂𑣚𑣂 𑣋𑣉𑣖 𑣓𑣃𑣔𑣃𑣗𑣁𑣍 𑣜𑣈...

𑢬𑣂𑣚𑣂 𑣋𑣉 𑢭 𑣌𑣂𑣚𑣂 𑣖𑣂𑣞𑣁 𑣖𑣈.

𑢮𑣁𑣕𑣂 𑣋𑣉𑣖 𑣎𑣋𑣜𑣁 𑢭 𑣜𑣈...

𑢮𑣁𑣕𑣂 𑣋𑣉 𑢭 𑣎𑣁𑣕𑣂 𑣕𑣚𑣁 𑣖𑣈.