Ho Book in Warang Chiti Sanagom Sala

Sanagom Sala

Elabu Etona Warang Chiti-Ho Festival Mage Porob

Ransa Mage Porob
Ritual Festival of Ho Community.

BIR BIRSA MUNDA (𑢷𑢢𑢼 𑢷𑢢𑢼𑢾𑢡 𑢶𑢣𑢳𑢱𑢡)

Wp/hoc/ 𑢷𑢢𑢼 𑢷𑢢𑢼𑢾𑢡 𑢶𑢣𑢳𑢱𑢡 𑢵𑢢𑢬𑢢𑢳 𑢺𑢫𑢢𑢱

< Wp‎ | hocWp > hoc > 𑢷𑢢𑢼 𑢷𑢢𑢼𑢾𑢡 𑢶𑢣𑢳𑢱𑢡 𑢵𑢢𑢬𑢢𑢳 𑢺𑢫𑢢𑢱

Jump to navigationJump to search

𑢳𑣃𑣕𑣃𑣖 𑣌𑣂𑣓𑣁𑣗𑣃 𑣖𑣓𑣁𑣕𑣂𑣍 𑣌𑣂𑣓𑣁𑣗𑣃

𑢡𑣌𑣂𑣓 𑣌𑣒𑣁 𑣞𑣃𑣗𑣁𑣜𑣈𑣋𑣈 𑣎𑣉𑣙𑣁𑣜 𑣌𑣈𑣕𑣈 ......𑣿

𑢳𑣃𑣕𑣃𑣖 𑣌𑣂𑣓𑣁𑣗𑣃 𑣖𑣓𑣁𑣕𑣂𑣍 𑣌𑣂𑣓𑣁𑣗𑣃

𑢡𑣌𑣂𑣓 𑣌𑣒𑣁 𑣞𑣃𑣗𑣁𑣜𑣈𑣋𑣈 𑣎𑣉𑣙𑣁𑣜 𑣌𑣈𑣕𑣈.......𑣿

𑢮𑣓𑣉𑣖𑣈 𑣚𑣈𑣓𑣁 𑣌𑣂𑣓 𑣇𑣚𑣂 𑣙𑣁𑣕𑣃 𑣕𑣚𑣁𑣜𑣈

𑢳𑣃𑣕𑣃𑣖 𑣌𑣂𑣓 𑣓𑣂𑣕𑣂𑣜 𑣌𑣈𑣑𑣁 𑣁𑣗𑣃 𑣕𑣁𑣚𑣁 𑣖𑣚𑣁𑣜𑣈

𑢡𑣗𑣃 𑣕𑣚𑣁 𑣖𑣚𑣁𑣜𑣈........𑣢

𑢳𑣃𑣕𑣃𑣖 𑣌𑣂𑣓𑣈𑣗𑣃 𑣖𑣓𑣁𑣕𑣂𑣍 𑣌𑣂𑣓𑣁𑣗𑣃

𑢡𑣌𑣂𑣓 𑣌𑣒𑣁 𑣞𑣃𑣗𑣈𑣜𑣈𑣋𑣈 𑣎𑣉𑣙𑣁𑣜 𑣌𑣈𑣕𑣈........𑣿

𑢺𑣛𑣁𑣆 𑣌𑣈𑣓𑣁 𑣌𑣂𑣓 𑣘𑣃𑣓𑣑𑣂 𑣁𑣜𑣁𑣄 𑣙𑣉𑣉 𑣌𑣉 𑣚𑣉𑣄

𑢴𑣂𑣝𑣃𑣖 𑣌𑣂𑣓 𑣗𑣍𑣏𑣁𑣉 𑣌𑣈𑣑𑣁 𑢡𑣗𑣃 𑣖𑣓𑣖𑣂 𑣙𑣉𑣉 𑣌𑣉 𑣚𑣋𑣂𑣑

𑢡𑣗𑣃 𑣙𑣉𑣉 𑣙𑣃𑣔𑣈 𑣚𑣋𑣂𑣑......𑣢

𑢳𑣃𑣕𑣃𑣖 𑣌𑣂𑣓𑣁𑣗𑣃 𑣖𑣓𑣁𑣕𑣂𑣍 𑣌𑣂𑣓𑣁𑣗𑣃

𑢡𑣌𑣂𑣓 𑣌𑣒𑣁 𑣞𑣃𑣗𑣁𑣜𑣈𑣋𑣈 𑣎𑣉𑣙𑣁𑣜 𑣌𑣈𑣕𑣈............𑣿

𑣿𑣿𑣿𑣿𑣿𑣿𑣿𑣿𑣿𑣿𑣿𑣿𑣿

Elabu Etona Warang Chiti(𑢨𑢺𑢡𑢷𑢣 𑢨𑢵𑢩𑢳𑢡 𑢹𑢷𑢡𑢼𑢪 𑢯𑢢𑢵𑢢)

𑢨𑣕𑣉𑣈 𑢵𑣈𑣅𑣄:-[edit]

𑢨𑣕𑣉𑣈 𑣕𑣈𑣅𑣄 𑣈𑣞𑣃 𑣖𑣈𑣓𑣄𑣁𑣁 𑣌𑣑𑣁,

𑢡𑣚𑣉𑣖 𑣖𑣈𑣓𑣈 𑢭 𑣏𑣗𑣁^𑣙 𑣌𑣑𑣁,

𑢩𑣌𑣉𑣓𑣁 𑣌𑣉𑣖 𑣈𑣕𑣉 𑣙𑣃𑣓𑣑𑣂 𑣕𑣑𑣁,

𑢨𑣓𑣁 𑣙𑣂𑣞𑣗 𑣜𑣈 𑣌𑣌𑣉 𑣚𑣈𑣌𑣁 𑣕𑣑𑣁.

𑢨𑣕𑣉𑣈 𑣕𑣈𑣅𑣄 𑣔𑣉 𑣌𑣙 𑣋𑣈 𑣏𑣗𑣁𑣓𑣁,

𑢮𑣂𑣗𑣉𑣓 𑣙𑣉𑣜𑣁 𑣞𑣖𑣕𑣈 𑣕𑣃𑣓𑣑𑣃𑣓𑣁,

𑢮𑣃𑣔𑣂 𑣘𑣃𑣒𑣁𑣐𑣂 𑣋𑣈𑢶 𑣇𑣔𑣃𑣗𑣈𑣓𑣁,

𑢨𑣕𑣉 𑣕𑣑𑣅𑣉 𑣋𑣈 𑣕𑣖 𑣉𑣒𑣀 𑣏𑣗𑣁𑣓𑣁.

𑢴𑣂𑣝𑣃𑣖 𑣜𑣈 𑣏𑣉𑣚𑣉𑣓 𑣗𑣉𑣔𑣉𑣚 𑣕𑣓𑣁,

𑢨𑣕𑣉𑣈 𑣕𑣈𑣅𑣄𑣉 𑣓𑣖𑣁 𑣓𑣖𑣁𑣓 𑣕𑣓𑣁,

𑢸𑣘𑣁𑣜𑣂 𑣕𑣈𑣅𑣄 𑣋𑣈𑢶 𑣙𑣖𑣗𑣃𑣑 𑣕𑣓𑣁,

𑢳𑣖𑣁 𑣈𑣕𑣉 𑣔𑣉 𑣌^𑣙𑣋𑣈 𑣞𑣃𑣌𑣃𑣖 𑣕𑣓𑣁.

𑢨𑣕𑣉𑣈 𑣕𑣈𑣅𑣄 𑣜𑣈 𑣎𑣃𑣚𑣃𑣊 𑣖𑣈,

𑢫𑣃𑣜𑣃 𑣌𑣉 𑣎𑣘𑣄 𑣜𑣈 𑣕𑣆𑣓 𑣖𑣈,

𑢶𑣁𑣓 𑣖𑣆𑣓 𑣌𑣉 𑣈𑣖 𑣈𑣕𑣉𑣈 𑣖𑣈,

𑢳𑣖𑣁 𑣙𑣉𑣜𑣁 𑣗𑣑𑣌𑣉 𑣇𑣔𑣃𑣗𑣁 𑣖𑣈.

𑢨𑣕𑣉𑣈 𑣕𑣈𑣅𑣄 𑣔𑣉 𑣈𑣕𑣉𑣈 𑣖𑣈,

𑢷𑣛𑣂𑣎 𑣕𑣈𑣅𑣄 𑣌𑣉𑣔𑣉 𑣗𑣋𑣈𑣈 𑣖𑣈,

𑢳𑣖𑣁 𑣙𑣉𑣜𑣁 𑣔𑣉 𑣗𑣑 𑣞𑣗𑣈 𑣖𑣈,

𑢮𑣓𑣃𑣖 𑣏𑣉𑣋𑣁 𑣓𑣈𑣚 𑣆𑣔𑣂𑣆 𑣖𑣈.

𑢨𑣕𑣉𑣈 𑣕𑣈𑣅𑣄 𑣔𑣉𑣖 𑣙𑣅𑣁 𑣕𑣓𑣁,

𑢴𑣂𑣌𑣃 𑣋𑣈 𑣘𑣃𑣜𑣄 𑢶 𑣘𑣍𑣎𑣁 𑣕𑣓𑣁,

𑢸𑣂𑣒𑣂𑣌𑣁 𑣙𑣉𑣜𑣁 𑣔𑣉 𑣌𑣖𑣄 𑣕𑣓𑣁,

𑢸𑣒𑣈𑣑 𑣙𑣉𑣜𑣁 𑣖𑣃𑣚𑣂𑣖 𑣞𑣈𑣓𑣉𑣄 𑣕𑣓𑣁.

𑢨𑣕𑣉𑣈 𑣕𑣈𑣅𑣄 𑣔𑣉 𑣚𑣚𑣂 𑣋𑣈𑣅𑣁,

𑢾𑣜𑣂 𑣕𑣈𑣅𑣄 𑣋𑣈 𑣌𑣖 𑣓𑣖𑣈𑣅𑣁,

𑢴𑣂𑣌𑣃 𑣌𑣉 𑣈𑣓𑣌𑣁 𑣌𑣉 𑣎𑣚 𑣖𑣈𑣅𑣁,

𑢯𑣂𑣖𑣕𑣀 𑣞𑣅𑣉𑣗 𑣌𑣉 𑣖𑣈𑣕𑣁 𑣖𑣈𑣅𑣁.

𑢨𑣕𑣉𑣈 𑣕𑣈𑣅𑣄 𑣔𑣉 𑣞𑣚𑣁 𑣈𑣕𑣉𑣈 𑣖𑣈,

𑢮𑣁𑣕𑣂 𑣗𑣂𑣕𑣂 𑣜𑣈 𑣙𑣉𑣜𑣁 𑣖𑣜𑣝𑣚𑣈 𑣖𑣈,

𑢷𑣂𑣑𑣔𑣁 𑣗𑣃𑣔𑣂 𑣔𑣉 𑣗𑣑 𑣋𑣈 𑣈𑣕𑣉𑣈 𑣖𑣈,

𑢳𑣉𑣚𑣑 𑣕𑣈𑣔𑣉 𑣎𑣁𑣕𑣂 𑣁𑣚𑣉 𑣋𑣈 𑣁𑣁𑣗𑣈 𑣖𑣈....

𑢾𑣋𑣉𑣖 𑣌𑣈𑣓 𑣌𑣂𑣍 𑢹𑢢𑢼𑢺𑢡 𑢷𑢣𑢴𑢹𑢳 𑢾𑢢𑢪 𑢹𑢨𑢾𑢤.

Official Unicode Consortium code chart #Warang Chiti

𑢹𑣗𑣁𑣜𑣊 𑢯𑣂𑣕𑣂 𑢴𑣃𑣚𑣛 𑣕𑣓 𑣙𑣋𑣁 𑣉𑣓𑣑𑣉𑣄 𑣖𑣂𑣞𑣂 𑣞𑣉𑣗𑣈𑣓 𑣌𑣉 "𑢨𑢺𑢡𑢷𑢣 𑢨𑢵𑢩𑢳𑢡 𑢹𑢷𑢡𑢼𑢪 𑢯𑢢𑢵𑢢" 𑣘𑣂𑣓𑣑𑣂𑣋𑣂 𑣜𑣈 𑢨𑣚𑣁𑣔^𑣙𑣜𑣁.

Tribal Languages @Ho Language

Ho Language

Warang Chiti

𑢹𑣗𑣁𑣜𑣊 𑢯𑣂𑣕𑣂 𑢴𑣃𑣚𑣛 𑣕𑣓 𑣙𑣋𑣁 𑣉𑣓𑣑𑣉𑣄 𑣖𑣂𑣞𑣂 𑣞𑣉𑣗𑣈𑣓 𑣌𑣉 "𑢨𑢺𑢡𑢷𑢣 𑢨𑢵𑢩𑢳𑢡 𑢹𑢷𑢡𑢼𑢪 𑢯𑢢𑢵𑢢" 𑣘𑣂𑣓𑣑𑣂𑣋𑣂 𑣜𑣈 𑢨𑣚𑣁𑣔^𑣙𑣜𑣁.