Warang Chiti 2030

 𑢾𑣉𑣖𑣁𑣅 𑣗𑣈𑣒𑣁 𑣌𑣓𑣁 𑢾𑣉𑣖𑣁𑣎 𑣞𑣃𑣔𑣈𑣜 𑣚𑣋𑣂𑣑, 𑢾𑣉𑣖𑣁𑣅 𑣗𑣈𑣒𑣁 𑣌𑣓𑣁 𑣞𑣉𑣖𑣁𑣎 𑣚𑣋𑣂𑣑 𑣚𑣁𑣛𑣁𑣆 𑣚𑣋𑣂𑣑. 𑢾𑣉𑣖𑣁𑣅 𑣗𑣈𑣒𑣁 𑣌𑣓𑣁 𑣁𑣗𑣃𑣁 𑣙𑣅𑣖 𑣗𑣁𑣍𑣏𑣁𑣉 𑣚𑣋𑣂𑣑, 𑢾𑣉𑣖𑣁𑣅 𑣗𑣈𑣒𑣁 𑣌𑣓𑣁 𑣁𑣗𑣃𑣁 𑢧𑣓𑣃𑣜𑣃𑣖 𑣔𑣂𑣝𑣃𑣖 𑣜𑣈 𑣇𑣔𑣃𑣗𑣈 𑣚𑣋𑣂𑣑. 𑢧𑣒𑣈𑣓 𑣘𑣈 𑣌𑣉𑣚𑣙𑣁𑣓 𑣌𑣃𑣚𑣈 𑣌𑣉 𑣇𑣒𑣈𑣓 𑣘𑣈, 𑢹𑣉𑣛𑣖𑣉 𑣜𑣈𑣅𑣄 𑣘𑣈𑣄 𑣔𑣂𑣝𑣃𑣖 𑣜𑣈𑣓 𑣙𑣉 𑣌𑣉𑣗𑣃 𑣇𑣔𑣃𑣗𑣈 𑣌𑣉𑣁. 𑢡𑣜𑣈.. 𑣈𑣓 𑣎𑣂𑣗𑣉𑣓 𑣏𑣂𑣌𑣈𑣓 𑣎𑣂𑣗𑣉𑣓, 𑢩𑣌𑣉𑣓𑣁 𑣙𑣃𑣔𑣁 𑣚𑣋𑣂𑣑 𑣙𑣅𑣖 𑣚𑣋𑣂𑣑 𑣕𑣈 𑣖𑣁𑣅𑣉𑣖 𑣌𑣁 𑣚𑣉𑣚𑣉𑣓𑣁. 𑢴𑣉𑣚𑣁𑣗𑣃 𑢴𑣂𑣚𑣚𑣂.....𑢴𑣉𑣚𑣁𑣗𑣃 𑢴𑣂𑣚𑣚𑣂 𑢾𑣉𑣜𑣌𑣁𑣜 𑣗𑣃 𑣇𑣔𑣃𑣗𑣆 𑣁𑣗𑣃𑣁 𑣁𑣞𑣉𑣚 𑢧𑣓𑣃𑣜𑣃𑣖...                           Written By : Basanta Kumar Chattar

  𑢾𑣉𑣜𑣋𑣉 𑣚𑣈𑣌𑣁𑣓 𑣁𑣗𑣃𑣁 𑣔𑣂𑣝𑣃𑣖 , 𑢹𑣂𑣜𑣁 𑣖𑣉𑣕𑣂 𑣕𑣈 𑣘𑣈𑣜𑣈𑣄 𑣁𑣌𑣁𑣓𑣁, 𑢷𑣃𑣜𑣃 𑣋𑣁𑣛𑣁 𑣕𑣈 𑣋𑣚𑣀 𑣁𑣌𑣁𑣓...𑣢 𑢡𑣗𑣃𑣁 𑣙𑣅𑣖 𑣌𑣁𑣗𑣃 𑣜𑣂𑣀𑣊𑣈, 𑢶𑣃𑣓𑣃𑣁 𑣔𑣉𑣞𑣕𑣃𑣜 𑣌𑣁𑣗𑣃 𑣗𑣁𑣁𑣋𑣈, 𑢮𑣁𑣓 𑣔𑣂𑣝𑣃𑣖 𑣜𑣈𑣗𑣃 𑣕𑣁𑣆𑣓 𑣜𑣈𑣉, 𑢶𑣜𑣊 𑣙𑣉𑣉 𑣗𑣃 𑣗𑣁𑣆𑣓 𑣜𑣈𑣉, 𑣌𑣁𑣗𑣃 𑣜𑣂𑣀𑣊𑣈 𑣌𑣁. 𑢾𑣉𑣜𑣋𑣉 𑣚𑣈𑣌𑣁𑣓 𑣁𑣗𑣃𑣁 𑣔𑣂𑣝𑣃𑣖 , 𑢹𑣂𑣜𑣁 𑣖𑣉𑣕𑣂 𑣕𑣈 𑣘𑣈𑣜𑣈𑣄 𑣁𑣌𑣁𑣓𑣁, 𑢷𑣃𑣜𑣃 𑣋𑣁𑣛𑣁 𑣕𑣈 𑣔𑣓𑣀 𑣁𑣌𑣁𑣓. 𑢾𑣁𑣀𑣋𑣂 𑣕𑣈 : 𑢾𑣉𑣜𑣋𑣉 𑣚𑣈𑣌𑣁𑣓 𑣁𑣗𑣃𑣁 𑣔𑣂𑣝𑣃𑣖 , 𑢹𑣂𑣜𑣁 𑣖𑣉𑣕𑣂 𑣕𑣈 𑣘𑣈𑣜𑣈𑣄 𑣁𑣌𑣁𑣓𑣁, 𑢷𑣃𑣜𑣃 𑣋𑣁𑣛𑣁 𑣕𑣈 𑣋𑣚𑣀 𑣁𑣌𑣁𑣓. ...............𑢶𑣂𑣇𑣎𑣂𑣌..................... 𑢷𑣃𑣜𑣃 𑣜𑣈𑣅𑣄 𑣞𑣁𑣁𑣓 𑣞𑣌𑣖 𑣕𑣈, 𑢶𑣁𑣀𑣑𑣂 𑣆𑣞𑣂𑣓 𑣜𑣈 𑣏𑣂𑣖𑣂𑣓 𑣓𑣉𑣋𑣉𑣑𑣁. 𑢫𑣁𑣛𑣁 𑣜𑣈𑣅𑣄 𑣞𑣈𑣕𑣈𑣊 𑣔𑣁𑣄𑣁𑣁, 𑢳𑣃𑣆 𑣜𑣈 𑣏𑣂𑣖𑣂𑣓 𑣜𑣈𑣅𑣁 𑣁𑣔𑣁𑣉..𑣢 𑢩𑣕𑣈 𑣙𑣁𑣞𑣁 𑣁𑣗𑣃𑣁 𑣞𑣉𑣓𑣁, 𑢷𑣃𑣜𑣃 𑣋𑣁𑣛𑣁 𑣁𑣗𑣃𑣁 𑣏𑣁𑣀𑣔𑣂𑣖, 𑢾𑣉𑣓𑣁 𑣏𑣁𑣀𑣔𑣂 𑣚𑣈𑣌𑣁𑣓 𑣔𑣂𑣝𑣃𑣖 𑣜𑣈 𑣁𑣗𑣃 𑣎𑣉𑣓𑣉𑣖 𑣁𑣌𑣁𑣓..𑣢 𑢾𑣉𑣜𑣋𑣉 𑣚𑣈...