卐𑣔𑣂𑣗𑣞𑣂 𑣙𑣉𑣛 𑣌𑣉𑣜𑣈 𑣞𑣀𑣋𑣜 𑣜𑣈𑣅𑣄 𑣏𑣉𑣚𑣉𑣓 𑣌𑣉 𑣖𑣈𑣓𑣄. 𑣈𑣝𑣃 𑣚𑣈𑣌𑣓 𑣞𑣀𑣋𑣜 𑣌𑣉𑣅𑣕𑣈 𑣗𑣃𑣜𑣃 𑣎𑣂𑣇 𑣎𑣉𑣓𑣕𑣃𑣌𑣉 𑣞𑣀𑣋𑣜 𑣌𑣉 𑣕𑣈𑣅𑣄 𑣆𑣘𑣓 𑣋𑣈𑣁. 𑢾𑣀𑣋𑣜𑣗𑣃 𑣖𑣈𑣓𑣈𑣜𑣈𑣔𑣉 𑣖𑣓𑣖𑣂 𑣁𑣘𑣓𑣄 𑣞𑣓𑣀 𑣚𑣈𑣌𑣕𑣈 𑣓𑣂𑣔𑣈 𑣗𑣃𑣜𑣃𑣜𑣈 𑣕𑣆𑣓 𑣕𑣓 𑣎𑣂𑣇 𑣎𑣉𑣓𑣕𑣃𑣌𑣉 𑣁𑣕𑣂𑣀 𑣕𑣓 𑣞𑣉𑣖𑣅𑣜𑣈, 𑣚𑣕𑣁 𑣕𑣄 𑣌𑣉𑣜𑣈, 𑣔𑣄 𑣕𑣈𑣕𑣀𑣕𑣈 𑣋𑣛𑣁-𑣚𑣉𑣙𑣜 𑣙𑣃𑣎𑣃𑣄 𑣎𑣉𑣓𑣕𑣃𑣌𑣉 𑣚𑣉𑣛𑣉 𑣌𑣕𑣈 𑣘𑣉𑣅𑣑𑣌𑣉 𑣕𑣈𑣅𑣄. 𑢾𑣂𑣀𑣋𑣂 𑣞𑣀𑣋𑣜 𑣌𑣉 𑣈𑣞𑣃 𑣌𑣉𑣙𑣖 𑣙𑣉𑣗𑣁𑣓𑣁, 𑣗𑣓𑣜𑣈 𑣓𑣂𑣔𑣁 𑣋𑣈 𑣈𑣞𑣃 𑣘𑣃𑣜𑣄 𑣙𑣉𑣗𑣓𑣁. 𑢾𑣀𑣋𑣜 𑣌𑣉 𑣞𑣈𑣓𑣉𑣄 𑣁𑣅𑣜 𑣜𑣈 𑣞𑣀𑣋𑣜 𑣙𑣗𑣊𑣋𑣁 𑣞𑣈𑣗𑣁 𑣓𑣖𑣈𑣅𑣁. 𑢾𑣉𑣗𑣈𑣓 𑣙𑣕𑣃 𑣌𑣉𑣜𑣈 𑣓𑣈𑣚𑣈𑣌𑣓 𑣏𑣉𑣚𑣉𑣓 𑣌𑣉 𑣕𑣆𑣌𑣈𑣓𑣁. 𑢾𑣀𑣋𑣜 𑣞𑣈𑣓𑣉𑣄 𑣞𑣉𑣖𑣅 𑣌𑣉𑣜𑣈 𑣞𑣈𑣕𑣁 𑣔𑣉 𑣌𑣉 𑣆𑣔𑣂 𑣕𑣉𑣜𑣞𑣁 𑣅𑣁. 𑢾𑣀𑣋𑣜 𑣚𑣋𑣂𑣑 𑣁𑣄𑣞𑣜, 𑣗𑣃𑣜𑣞𑣂, 𑣌𑣘𑣂, 𑣙𑣌𑣈 𑣈𑣓𑣁 𑣚𑣉𑣄𑣕𑣈 𑣈𑣞𑣃 𑣚𑣈𑣌𑣓 𑣋𑣂𑣓𑣂𑣞𑣌𑣉 𑣂𑣔𑣂 𑣕𑣉𑣜𑣞𑣁 𑣅𑣁.
Learn Warang Chiti This blog has been created with the aim of making our Warang Chiti Script a world Identity. Help to make Warang Chiti script reach our people. 𑢹𑣉𑣉 𑢹𑣅𑣖 𑣞𑣉𑣗𑣈𑣓 𑣔𑣂𑣓 𑣚𑣋𑣂𑣑 𑣎𑣂𑣆𑣑 𑣎𑣉𑣋𑣁𑣉𑣈 𑣚𑣋𑣂𑣑 "𑢹𑣗𑣁𑣜𑣊 𑢯𑣂𑣕𑣂" 𑣞𑣉𑣗𑣈𑣓 𑣗𑣃 𑣈𑣕𑣉𑣓𑣁... Elabu Etona Warang Chiti